KASIAH TAK SAMPAI - Elly Kasim cs

Malang bacinto bintang jo bulan
Kasiah digungguang dek matoari
Bia bacarai nyao jo badan
Putuihlah tali jantuang jo hati
Cinto ka uda den baok mati

Ka dalam tanah maik bakubua
Datang malaikaik yo nan batanyo
Apo kadayo yo nan takana
Kasiah ka uda nan indak sampai
Yo nan takana, kasiah ndak sampai

Cinto den indak ado duonyo
Cinto den hanyo ka uda surang

Bia mangamuak topan jo badai
Cinto den indak ado duonyo
Bia di dunia kasiah ndak sampai
Yo di akhiraik den nanti juo
Uda den nanti dalam sarugo
Cinto den indak ado duonyo

(Ciptaan Syahrul Tarun Yusuf, Dipopulerkan oleh Elly Kasim)

LARUIK SANJO - ELLY KASIM cs

ONDEH ONDEH LAH LARUIK SANJO

Mandi ka Lubuak Mandalian – 2x
Udang disangko tali-tali – 2x
Mabuak untuang jo parasaian – 2x
Patang disangko pagi hari – 2x

Ondeh…ondeh …, lah laruik sanjo …
Ondeh…ondeh …, lah laruik sanjo …

Urang Padang mandi ka gurun – 2x
Mandi batimbo bungo lado – 2x
Hari patang matohari turun – 2x
Dagang baurai aia mato – 2x

Ondeh…ondeh …, lah laruik sanjo …
Ondeh…ondeh …, lah laruik sanjo …

Lai den timbo banda Padang – 2x
Biluluak juo nan tatimbo – 2x
Lai den cubo nan bak urang – 2x
Nan buruak juo nan tasuo – 2x

Ondeh…ondeh …, lah laruik sanjo …
Ondeh…ondeh …, lah laruik sanjo …

Si Nona - various artist

Oh malala …, jan lah malala juo
Hari lah sanjo …, (hmm …)

Reff :

Si Nona, Si Nona rang gadih mantiak
Jan suko, jan suko pai malala
Si Nona, rang gadih nan jolong gadang
Jan suko, jan suko pai batandang

Oh malala …, jan lah malala juo
Hari lah sanjo …
Oh marilah …, marilah kito pulang
Hari lah patang

Awak rancak, budi elok
Baso basi mamikek hati

Si Nona, Si Nona rang gadih mantiak
Jan suko, jan suko pai batandang

Malereang - Elly Kasim dan other

Malereang lah tabiang malereang, mak oi
Malereang tabiang nan bakeh lalu
Den sangko langik nan lah teleang, mak oi
Kironyo awan nan manggajuju

Janiah aianyo Sungai Tanang
Minuman urang Bukiktinggi
Tuan kanduang tadanga sanang
Baoklah tompang badan kami

Jarang-jarang tugakan jaguang, mak oi
Buliah nak tampak puyuah balari
Kadang-kadang dijalang kampuang, mak oi
Baitu sayangnyo ka nagari

Kamiri (Minang Version of A Ticket, A Tasket, I missed my yellow basket) by Elly Kasin, Eddy Satriya

KAMIRI - Eddy Satriya

Oh Tuan, pitih den
kama kini den cari
aden diagiah mamak den
untuak bali kamiri.

Kamiri
baa ko baa kaka den beko
pitih wak sajolah ilang
katiko den kapasa

Reff:
Den cari-cari bakuliliang
tapi ndak basuo
den tanyokan ka mamak den
kok lai mandapek nyo?

Tolonglah amboko
mancari pitih mamak
kalau tuan mandapeknyo
gadang lah hati den

Yo sabenggo (indak-indak)
Yo limo sen (indak-indak)
Yo sapiak (indak-indak)
Yo baratu kasadonyo...?
Yo SASUKU kasadonyo....

--------------

Cuplikan lagu Kamiri saat HBH virtual Minang Bandung Around the GLobe, dapat disaksikan pada menit ke 54 dalam tayangan berikut: