Sinandi Nandi - Oslan Husein

Jikok iyo si nandi nandi
Kuciang balang baranak balang
Golek golek diateh nyiru
Urang gaek mancilok lamang
Luko bibia dek sambilu

Indak den sangko si rigo-rigo
Pipik sinanduang mamakan padi
Indak den sangko bak cando iko
Tuo jo mudo makin manjadi 

Nan kok iyo si nandi nandi
Buah kaliki jo buah manggih
Elok dimakan dihari patang
Sajak mancik jadi ngku aji
Banyaklah kuciang nan sumbayang

Nan kok iyo si nandi nandi
Biduak balaia ka Pulau Pandan
Muatan sarek buah kuini
Kini jaman indak karuan
Nenek nenek mamakai jengki

Jikok iyo nandi nandi  4x

Malin Kundang - Oslan Husein

Malin, Malin, Malin Kundang
Malin Kundang anak cilako
Malin, Malin, Malin Kundang
Malin Kundang anak durako

Dahulunyo di Gunuang Padang
Tampek basarang yo ula nago
Dahulunyo di Gunuang Padang
Tampek basarang yo ula nago

Iyolah takaba si Malin Kundang
Anak nan indak mambaleh guno
Iyolah takaba si Malin Kundang
Anak nan indak mambaleh guno

Malin, Malin, Malin Kundang
Malin Kundang anak cilako
Malin, Malin, Malin Kundang
Malin Kundang anak durako

Dari Kacang ka Sulik Aia
Angku Lareh pulang bakudo
Dari Kacang ka Sulik Aia
Angku Lareh pulang bakudo

Tibolah masonyo bujang balayia
Malin Kundang jadi nangkodo
Tibolah masonyo bujang balayia
Malin Kundang jadi nangkodo

Malin, Malin, Malin Kundang
Malin Kundang anak cilako
Malin, Malin, Malin Kundang
Malin Kundang anak durako

Limau manih dari Pitalah
Dibaok urang ka Banuampu
Limau manih dari Pitalah
Dibaok urang ka Banuampu

Bundo lah manangih turunlah sumpah
Malin Kundang manjadi batu
Bundo lah manangih turunlah sumpah
Malin Kundang manjadi batu

Malin, Malin, Malin Kundang
Malin kundang anak cilako
Malin, Malin, Malin Kundang
Malin Kundang manjadi batu

Malin, Malin, Malin Kundang – 4x